नेपाली कम्युनिष्ट पार्टी (नेकपा) का केन्द्रीय सदस्य तथा जिल्ला पार्टीका सहइन्चार्ज  रामसुर बुढा (वीरता)ले रुकुम पूर्वको जिल्ला पार्टीको नेतृत्व चयन प्रक्रियाबारे सार्वजनिक टिप्पणी गर्दै पुनर्विचार गर्न सुझाव दिनुभएको छ ।

सामाजिक सञ्जाल फेसबुकमा स्टाटस लेख्दै वीरताले रुकुम पूर्वको जिल्ला पार्टीको जिम्मेवारी या त पार्टीका वरिष्ठ नेताबाट वा नयाँ पुस्ताका युवामध्येबाट चयन हुनुपर्ने आफ्नो धारणा रहेको बताउनुभएको छ । उहाँले यस विषयमा आफूले यसअघि नै सुझाव दिएको र सामाजिक सञ्जालमा समेत व्यापक प्रतिक्रिया आएपछि आफ्नो धारणा सार्वजनिक गर्न आवश्यक ठानेको उल्लेख गर्नुभएको छ ।

“नेकपा रुकुम पूर्व जिल्लाको जिम्मेवारीमा कि त सिनियरबाट आउने कि नयाँ युवाबाट आउनु थियो । मैले त यो सुझाव दिएकै हो । सामाजिक सञ्जालमा समेत क्रिया–प्रतिक्रिया आएपछि मैले पनि यो कुरा पोस्ट गर्नुपर्ने भयो । यो संगठनात्मक पद्धति भने होइन, सकिन्छ भने पुनर्विचार गर्दा हुन्छ,” बुढाले स्टाटसमा लेख्नुभएको छ । 

बुढा नेकपाका केन्द्रीय सदस्य हुनुका साथै हालको नयाँ संगठनात्मक संरचनाअनुसार पुनः रुकुम पूर्व जिल्लाको सहइन्चार्जको जिम्मेवारीमा रहेको नेता हुनुहुन्छ । उहाँ रुकुम पूर्वको भूमे गाउँपालिकाका निर्वाचित संस्थापक अध्यक्ष समेत हुनुहुन्छ ।

उहाँको अभिव्यक्तिलाई पार्टीको जिल्ला नेतृत्व चयन र संगठनात्मक व्यवस्थापनबारे आएको महत्वपूर्ण आन्तरिक प्रतिक्रियाका रूपमा हेरिएको छ ।।

रुकुमपूर्वमा ग्यास अभावप्रति अखिल क्रान्तिकारीले प्रशासनमा ध्यानाकर्षण गरायो

रुकुमपूर्वमा खाना पकाउने ग्यासको नियमित आपूर्ति हुन नसकेको भन्दै अखिल (क्रान्तिकारी) रुकुमपूर्वले जिल्ला प्रशासन कार्यालयको ध्यानाकर्षण गराएको छ ।

रुकुम पूर्वमा अवैध तीन थान भरुवा बन्दुक बरामद

रुकुमकोट । रुकुम पूर्वको पुथाउत्तरगंगा गाउँपालिका–१० स्थित नसिलेक जङ्गलबाट प्रहरीले अवैध भरुवा बन्दुक बरामद गरेको छ । जिल्ला प्रहरी कार्यालय

रुकुमपूर्वको तकसेरामा प्रथम झाँक्री सम्मेलन सम्पन्न

रुकुमपूर्व, साउन ३ गते। नेपाल आदिवासी जनजाति महासंघ रुकुमपूर्वको आयोजनामा र पुथाउत्तरगङ्गा गाउँपालिका, नेपाल मगर सङ्घ रुकुमपूर्व तथा आदिवासी जनजाति