Radio Purbi Rukum

रुकुम पूर्वमा दूध राम्रो खपत

रेडियो पूर्वी रुकुम

रुकुमपूर्वमा दूधबाट मनग्य आम्दानी भइरहेको छ । बजारमा दूध राम्रो खपत भइरहेकोले कृषक र व्यापारीले मनग्य आम्दानी गरिराख्नु भएको हो ।

सिस्ने गाउँपालिका–५ कमलदह अगाडि रहेको समीर डेरी पसलमा मात्र दूध खरिद, बिक्रीबाट वार्षिक तीन लाख भन्दा बढीको कारोवार भइरहेको छ । उक्त डेरीबाट मात्र दैनिक ६० लिटर भन्दा बढी दूध बिक्री भइरहेको व्यापारी तेजबहादुर खत्रीले जानकारी दिनुभयो । दूध र दही गरेर लगभग महिनामा ३०–४० हजार रुपियाँको कारोवार भइरहेको खत्रीले बताउनुभयो ।

सिस्ने र भूमे गाउँपालिकासँगै कहिले काही रुकुम पश्चिमबाट समेत दूध खरिद गर्ने गरेको खत्रीको भनाइ रहेको छ । दूधको खरिद मूल्य प्रति लिटर ७० रुपियाँ र बिक्री मूल्य दूध प्रति लिटर एक सय र दही प्रति लिटर एक सय २० रुपियाँको दर रहेको छ । दूधको राम्रो व्यापार भइरहेकोले किसानले पशुपालन गर्नमा जोड दिनु पर्ने व्यापारी खत्रीले बताउनुभयो ।।