रुकुम पूर्वको रुकुमकोटमा नेशनल लाईफ ईन्स्योरेन्स कम्पनी लिमिटेड शाखा कार्यालय रुकुम पूर्वले अभिकर्ता भेला, पुनर्ताजगी तालिम तथा उत्कृष्ट अभिकर्ता सम्मान कार्यक्रम सम्पन्न गरेको छ । चालु आर्थिक वर्षको शाखा तथा अभिकर्ताको व्यावसायिक लक्ष्य पूरा गर्ने उद्देश्यले आयोजित कार्यक्रममा कम्पनीमा आबद्ध व्यवसाय प्रबन्धक, व्यवसाय अधिकृत तथा अभिकर्ताहरूको उल्लेख्य सहभागिता रहेको थियो । कार्यक्रममा करिब ३० जनाको सहभागिता रहेको आयोजकले जनाएको छ, जसमा १८ जना महिला र १२ जना पुरुष सहभागी थिए । कार्यक्रम नेशनल लाईफ ईन्स्योरेन्स कम्पनी लिमिटेड रुकुम पूर्व शाखाका प्रमुख हिरा मल्लको सभाध्यक्षतामा सम्पन्न भएको थियो । कार्यक्रममा नेशनल लाईफ ईन्स्योरेन्स कम्पनीका व्यवसाय प्रबन्धक तथा थवाङ गाउँपालिका वडा नम्बर १ का अध्यक्ष हिराप्रसाद बुढा मगर प्रमुख अतिथि रहनुभएको थियो ।

त्यस्तै, कम्पनीका व्यवसाय प्रबन्धक तथा देउराली माध्यमिक विद्यालय हुकामका लेखापाल खुमबहादुर पुन र नेशनल लाईफका अभिकर्ता तथा जनता माध्यमिक विद्यालय पोखराका शिक्षक हिरालाल खड्का अतिथिका रूपमा उपस्थित हुनुहुन्थ्यो । कार्यक्रममा आर्थिक वर्ष २०८२/८३ मा व्यक्तिगत कोड तथा सञ्जालतर्फ उत्कृष्ट व्यवसाय गर्ने अभिकर्तामध्ये शाखाबाट प्रथम, द्वितीय र तृतीय हुनेलाई खादा, सम्मानपत्रसहित सम्मान गरिएको थियो । कार्यक्रममा अभिकर्ताहरूको क्षमता अभिवृद्धि, बीमा व्यवसायको विस्तार तथा चालु आर्थिक वर्षको व्यावसायिक लक्ष्य हासिल गर्ने विषयमा पुनर्ताजगी तालिमसमेत प्रदान गरिएको थियो । कार्यक्रमको सञ्चालन रामचन्द्र दाहालले गर्नुभएको थियो ।

सिस्ने गाउँपालिका ६ को त्रिभुवन जनता माविमा नव निर्मित १२ कोठे भवन उद्घाटन

रुकुम पूर्व, रुकुम पूर्वको सिस्ने गाउँपालिका–६, छिप्रीदहस्थित त्रिभुवन जनता माध्यमिक विद्यालयको नव निर्मित १२ कोठे भवन उद्घाटन गरिएको छ । संघीय

सिस्ने गाउँपालिकालाई नगरपालिका बनाउने प्रस्ताव सर्वसम्मत पारित

रुकुम पूर्वको सिस्ने गाउँपालिकाको गाउँ सभाको विशेष अधिवेशनले गाउँपालिकालाई नगरपालिका बनाउने प्रस्ताव सर्वसम्मत रूपमा पारित गरेको छ । आजको विशेष

रुकुम पूर्वमा खोला तर्ने क्रममा बगेका दुई जना अझै बेपत्ता, खोजी कार्य जारी

रुकुम पूर्वमा खोला तर्ने क्रममा बगेर बेपत्ता भएका दुई जनाको खोजी कार्य जारी रहेको छ । गत भदौ २१ गते दिउँसो करिब २ः३० बजेको समयमा पुथा उत्तरगंगा