रुकुम पूर्वमा चक्रवात ‘अर्नव’को सम्भावित प्रभावलाई मध्यनजर गर्दै जिल्ला प्रशासन कार्यालयले सतर्कता अपनाउन सर्वसाधारणलाई आग्रह गरेको छ । जिल्ला प्रशासन कार्यालय रुकुम पूर्वले बुधबार जारी गरेको सूचनाअनुसार नेपाल मौसम विज्ञान विभागले कात्तिक ९ गते जारी गरेको पोस्ट मनसुनसम्बन्धी विशेष बुलेटिनमा बंगालको खाडीमा रहेको ‘अर्नव’ चक्रवात थप शक्तिशाली बन्दै गएको उल्लेख छ । मौसम विश्लेषणअनुसार कात्तिक १३ गते शुक्रबार र १४ गते शनिबार कोशी, मधेश, बागमती, गण्डकी र लुम्बिनी प्रदेशमा चक्रवातको तुलनात्मक रूपमा बढी प्रभाव पर्ने सम्भावना रहेको छ । ती प्रदेशका धेरै स्थानमा चट्याङ र हावाहुरीसहित मध्यम वर्षा तथा केही स्थानमा भारी वर्षा हुन सक्ने पूर्वानुमान गरिएको छ । उच्च पहाडी तथा हिमाली क्षेत्रमा भारी हिमपात, हिमआँधी र हिमपहिरोको समेत उच्च जोखिम रहेको जनाइएको छ ।

सम्भावित विपद्को जोखिम न्यूनीकरण गर्न जिल्ला प्रशासन कार्यालयले कात्तिक १२ गते बिहीबारदेखि १४ गते शनिबारसम्म उच्च सतर्कता अपनाउन आग्रह गरेको छ । कार्यालयले धानबाली काट्ने तथा भित्र्याउनेलगायतका कृषि कार्य कात्तिक १२ गतेअघि नै सम्पन्न गर्न, पर्यटकलाई उच्च पहाडी तथा हिमाली क्षेत्रमा नजान र गइसकेका पर्यटकलाई उक्त अवधिभर सुरक्षित स्थानमा रहन अनुरोध गरेको छ । त्यस्तै, सडक तथा हवाई यातायातसहित दैनिक जनजीवन प्रभावित हुन सक्ने भएकाले आवश्यक सतर्कता अपनाउन र अत्यावश्यक कामबाहेक यात्रा नगर्न पनि आग्रह गरिएको छ ।

राष्ट्रिय विपद् जोखिम न्यूनीकरण तथा व्यवस्थापन प्राधिकरण, नेपाल मौसम विज्ञान विभाग र जिल्ला प्रशासन कार्यालयलगायत आधिकारिक निकायबाट जारी हुने अद्यावधिक मौसम पूर्वानुमान, पूर्वसूचना तथा चेतावनीको पालना गर्नसमेत कार्यालयले अनुरोध गरेको छ । मौसमसम्बन्धी जानकारीका लागि ११५५, विपद्को समयमा सहयोग माग्न १२३४, १०० वा १११४ नम्बरमा सम्पर्क गर्न सकिने सूचनामा उल्लेख छ । सहायक प्रमुख जिल्ला अधिकारी समीर गौतमद्वारा जारी सूचनामा सम्भावित विपद्बाट हुन सक्ने क्षति न्यूनीकरणका लागि पूर्वतयारी अपनाउन तथा सम्बन्धित सबैलाई आवश्यक सतर्कता अपनाउन अनुरोध गरिएको छ ।।

रसुवाको बाढीमा बेपत्ता भूमे गाउँपालिकाका दुई जनाको विवरण सार्वजनिक

रुकुम पूर्व । रसुवा जिल्लामा आएको बाढीका कारण बेपत्ता भएका रुकुम पूर्वको भूमे गाउँपालिका–३ का दुई जनाको विवरण सार्वजनिक गरिएको छ । भूमे गाउँपालिका

रुकुम पूर्वमा निःशुल्क सिलाई कटाई र एडभान्स बुटिक तालिम सञ्चालन हुने

रुकुम पूर्वमा निःशुल्क व्यावसायिक तथा सीपमूलक तालिम सञ्चालन हुने भएको छ । घरेलु तथा साना उद्योग कार्यालय रुकुम पूर्वले सिलाई कटाई र एडभान्स बुटिक

रसुवाको बाढीमा बेपत्ता भएकाहरूको विवरण यकिन गर्न सिस्ने गाउँपालिकाको आग्रह

रुकुम पूर्वमा सिस्ने गाउँपालिकाले रसुवाको भोटेकोशीमा आएको बाढीमा परी बेपत्ता भएका गाउँपालिकाभित्र स्थायी ठेगाना भएका व्यक्तिको आधिकारिक विवरण